Aventura e Florian Kamberit tek Rangers po shkon më së miri teksa përveç lojës së mirë në fushën e lojës ai ashtu ka gjetur edhe golin e parë me skuadrën e drejtuar nga Steven Gerrard.
Duke folur pas kualifikimit që skuadra e tij arriti kundër Bragës ditën e mërkurë, Kamberi i pyetur për skuadrën e tij të preferuar në moshë të re, ai deklaroi se nuk ka pasur një të tillë por që ai gjithmonë ka admiruar Cristiano Ronaldon dhe ka mbështetur skuadrat ku ai ka luajtur.
“Nuk kisha ndonjë skuadër të preferuar gjatë fëmijërisë sime por me të vërtetë admiroj Cristiano Ronaldo-n. Admiroj mentalitetin e tij dhe punën që ai ndjek për pasojë edhe sot e kësaj dite përpiqem ta imitoj”.
“Fillimisht e kam ndjekur shumë në kohën kur luante me Manchester United, më pas me Realin e Madridit dhe tani me Juventusin”.
“Ndërsa në lidhje me kualifikimin e Rangers për në fazën çerekfinale të Europa League, ai ka deklaruar: Ishte një natë e veçantë dhe kualifikimi ishte i pabesueshëm për mua dhe skuadrën”.
“Është një ëndërr e çdo futbollisti për të luajtur në futbollin Europian dhe Rangers ta ofron këtë gjë”.
