Ardian Dvorani ka reaguar sot lidhur me arrestimin e botuesit dhe analistit Henri Çili, ku një ndër akuzat e ngritura ndaj tij është ajo e ndikimit të paligjshëm ndaj zyrtarëve.
Nga raportimet mësohet se vëllai i bashkëjetueses së tij Gazmir Ajdinaj, implikoi Çilin për të liruar ekzekutorët e efektivit Ibrahim Basha.
Alikot bënë rekurs në Gjykatën e Lartë dhe Ardian Dvorani si i vetmi anëtar i Gjykatës së Lartë u caktua relator i çështjes.
Dvorani thotë se dosja Aliko nuk është trajtuar me prioritet, pra nënkutpon se as është cekur nga ai vetë pasi nuk i ka ardhur një kërkesë për procedurë të përshpejtuar.
Përsa i përket kontakteve të tij me Henri Çilin, i cili akuzohet për ndikim të paligjshëm tek zyrtarët pikërisht për të liruar vëllezërit Aliko, Dvorani shprehet se e njeh personalisht por nuk ka kontakte me të madje ka disa muaj që nuk e has personalisht as në ndonjë event.
“Në Gjykatën e Lartë unë jam i vetmi në detyrë dhe në sistemin tonë 35 mijë çështje janë me relator Ardian Dvoranin. Këshilltarët që janë në detyrë përgatisin dosjet në mënyrë që gjyqtarët që emërohen t’i përballojnë. Meqenëse Gjykata e Lartë nuk funksionon, në rastin tim është kategorike.
Z.Çili e njoh, nuk jemi miq, në evente të caktuara por s’kam asnjë kontakt.
Kjo dosje nuk është trajtuar me prioritet, sepse në kompetencat si kryetar i Gjykatës së lartë e para kush do e gjykonte, e dyta gjyqtari që ta merrte me prioritet do e merrte me firmën time.
Në dijeninë time nuk ka gjë në lëvizje, është një çështje e ngritur në 2019, nuk bëhet fjalë, nuk jam në dijeni për një çështje. Z. Çili nuk e di kur mund ta kem takuar para disa muajsh më parë”, tha Dvorani.
