Real Madrid është e interesuar për të marrë shërbimet e sulmuesit norvegjez të Borussia Dortmund, Erling Haaland. Sipas “All Football”, me këtë lëvizje madrilenët duan një zëvendësues ideal për Ronaldon, dhe 19-vjeçari shihet si një opsion i mundshëm pasi shënon shumë gola.
Gjithashtu sipas mediave në Spanjë, madrilenët kanë mbajtur takime me Borussian e Dortmundi-t për firmën e 19-vjeçarit, por gjithashtu thuhet që gjasat që një marrëveshje të realizohet janë të vogla duke marrë parasysh se Haaland sapo u transferua te Dortmundi, por me një ofertë të majme gjithçka mund të ndryshojë.
Që prej largimit të portugezit, Benzema, Joviç, Bale apo Vinicius, nuk kanë shfaqur më të mirën e tyre dhe nuk kanë arritur ta zëvendësojnë.
Halaand u transferua te Dortmund gjatë merkatos së dimrit nga klubi austriak i Salzburg për shifrën e 20 milion eurove. Djaloshi i artë ka realizuar 12 gola në 8 paraqitjet e tij me klubin verdhezi.
