Situata me koronavirusin po bëhet gjithnjë e më alarmante në Europa, pasi harta me të prekurit nga kjo epidemi po vjen gjithnjë e duke u zgjeruar.
Pasi virusi vdekjeprurës shpërtheu frikshëm në Itali, dita ditës po shënohen të prekur dhe në vende të tjera. Mësohet se është shënuar rasti i parë me këtë virus edhe në tre shtetet Rumani, Danimarkë dhe në Norvegji.
Bëhet me dije nga mediat vendase se rastet në Danimarkë dhe Norvegji janë persona që sapo ishin kthyer nga Italia e Veriut.
Ndërsa në Rumani bëhet fjalë për një 20 vjeçar, që punonte si kamarier në një restorant në pronësi të një italiani.
Instituti Norvegjez i Shëndetit Publik (Folkehelseinstituttet, NIPH) aktualisht nuk po rekomandon ekzaminimin e çdo individi që udhëton në vend, duke theksuar se kjo masë nuk do të ishte plotësisht e efektshme sepse njerëzit që mbartin virusin nuk do të testojnë pozitivisht për të gjatë periudhës së inkubacionit.
Numri i personave të infektuar në të gjithë botën ka tejkaluar 82 mijë. Sipas të dhënave të përpiluara nga institucionet e autorizuara shëndetësore dhe shtypi vendor i vendeve që raportohet se kanë lloje të reja të koronavirusit, numri i rasteve janë renditur si më poshtë:
‘Koreja e Jugut 1595, Japonia 894, Italia 447, Irani 139, Singapori 93, SHBA 60, Tajlanda 40, Bahrein 33, Kuvajt 26 Australia 23, Malajzia 22, Gjermania 21, Franca 17, Vietnami 16, Anglia 13, Emiratet e Bashkuara Arabe 13, Spanja 12, Kanada 12, Iraku 5, Rusia 5, Oman 4, India 3, Filipinet 3, Kroacia 3, Izraeli 2 , Austri 2, Pakistan 2, Liban 2, Suedi 2, Finlandë 2, Algjeri 1, Nepal 1, Sri Lanka 1, Kamboxhia 1, Belgjikë 1, Zvicër 1, Egjipt 1, Afganistan 1, Greqi 1, Brazil 1, Georgia 1, Maqedonia e Veriut 1, Rumania 1, Norvegjia 1, Danimarka 1’.
