Juventusi u mund mbrëmjen e djeshme 1-0 në transfertë kundër Lyonit, në ndeshjen e parë për fazën e 1/16-ve në Ligën e Kampioneve.
Në intervistën e zhvilluar pas ndeshjes, tekniku i bardhezinjve, Mauricio Sarri u shpreh mjaft i shqetësuar për gjendjen e skuadrës, ndërsa thotë lojtarët nuk kuptojnë rëndësinë e lëvizjes së topit në mënyrë të shpejtë.
“Po përpiqem tu mësoj lojtarëve rëndësinë e lëvizjes së topit në mënyrë të shpejtë, por nuk ata nuk e kuptojnë këtë gjë”.
“Është e vështirë ta shpjegosh por në pjesën e parë e lëvizëm topin shumë ngadalë, kështu që kundërshtarët natyrisht do të ushtronin presion”.
“Na mungoi vendosmëria dhe agresiviteti në fazën e sulmit. Ishim të pafat që u ndëshkuam në kohën që De Ligt ishte jashtë fushës i dëmtuar. Gjatë stërvitjeve skuadra i bindet filozofisë sime por gjatë ndeshjes behet e kundërta. Kjo gjë duhet të ndryshojë ose do të kemi të njëjtat rezultate”. – tha Sarri për “Sky Sport Italia”.
