David Beckham ka deklaruar klubi i tij i ri, Inter Miami, në të ardhmen ka mundësi reale për të firmosur me Lionel Messi-n dhe Cristiano Ronaldo-n.
Beckham e pohon tashmë klubin e tij si destinacion të mundshëm të të dyve. Një paralajmërim të tillë e bëri para pak ditësh edhe trajneri i Minesota United, Adrian Heath.
Ish-kapiteni i Anglisë foli në një emision televiziv, të mërkurën, duke e ushqyer këtë ëndërr të njerëzve, që do të donin t’i shihnin 11 herë fituesit e “Topit të Artë” në një llogore: “Epo ju e dini se çfarë ambiciesh kemi si klub. Messi dhe Ronaldo janë mundësi të shkëlqyera, i mirëpresim në Miami. Në fakt jemi kontaktuar nga shumë lojtarë të ndryshëm, që duan të bashkohen me ekipin tonë. Si çdo president klubi, edhe unë dëshiroj lojtarët më të mire”.
“Besoj se kemi mundësi për të sjellë edhe futbollistë të tillë si Cristiano apo Leo. Personalisht i admiroj të dy si sportistë. Janë vërtet mundësi të shkëlqyeshme. Sidoqoftë, për momentin kemi një listë lojtarësh të rinj, edhe të tjerë me përvojë, për ta nisur si debutues në MLS. Një nga gjërat që mësova nga Alex Ferguson është kjo: këdo që të afrosh, duhet të jetë në përshtatje me klubin. Nuk është fjala për emrin, ose personalitetin më të madh, por për përshtatjen më së miri me lojtarët e tjerë. Kjo është ajo që ne do të bëjmë. Por, siç thashë, si president, i shikoj Messin dhe Ronaldon si mundësi të shkëlqyeshme”.
