Ole Gunnar Solkskjaer do të jetë edhe vitin e ardhshëm nën drejtimin e Manchester United. Drejtuesit e klubit kanë vendosur që t’i japin kohën e duhur teknikut norvegjez për të ndërtuar skuadrën sipas filozofisë së tij.
Lajmin e ka bërë të ditur, shefi i klubit, Ed Woodward, i cili gjithashtu ka deklaruar se në dispozicion të trajnerit, do të jenë rreth 300 milionë euro gjatë merkatos së verës.
Gjigandët anglezë, kanë vënë në shënjestër katër lojtarë ku objektivi kryesor mbetet superylli I Borussia Dortmund, Jadon Sancho i cili mund t’i kushtojë klubit rreth 100 milionë euro. Për mesfushën janë projektuar dy lojtarët e Premier League, James Maddison i Leicesteri-t dhe Jack Grealish i Aston Villas. Ndërsa një tjetër afrim në repartin ofensiv pritet të jetë sulmuesi i Everton, Dominic Calvert-Lewin.
Rindërtimi i United filloi që në merkaton e janarit teksa klubi siguroi shërbimet e Bruno Fernandes për 55 milionë euro plus bonuse në të ardhmen.
