” E vranë dhe e dogjën plotësisht”/ Qerim Kelmendi u qëllua me breshëri pranë banesës

Ali Kelmendi, nipi i Qerim Kelmendit, ka konfirmuar vrasjen dhe më pas djegien e Qerim Kelmendit, ish-ushtar i Ushtrisë Çlirimtare të Kosovës.

Ali Kelmendi tha se për vrasjen e xhaxhait të tij është njoftuar mëngjesin e sotëm, rreth orës 04:00.

“Unë e konfirmoj xhaxha e kam, e kanë vrarë e kanë djegur në makinë, totalisht është i djegur. Më tutje nuk mundem me të thënë asgjë”, tha Kelemendi për mediat në Kosovë.

Mediat lokale shkruajnë se Qerim Kelmendi u qëllua me breshëri automatiku pastaj ia kanë djegur trupin. Ngjarja ka ndodhur në afërsi të shtëpisë së tij në Zahaq të Pejës, ndërsa në bazë të verifikimit të targave është konfirmuar se edhe vetura në të cilën iu dogj trupi ishte në pronësi të tij.

LEXO EDHE  Koronavirusi/ 7 viktima dhe 115 të infektuar në Maqedoninë e Veriut në 24 orët e fundit

Ngjarja është cilësuar si ‘vrasje’, ndërsa policia thekson se po bëhet përpjekje maksimale për arrestimin e vrasësit.