Aktivisti i shoqërisë civile dhe pedagogu Erion Kristo përmes një postimi në rrjetet sociale e cilëson të ulët profesionalizmin e SPAK në rastin e kryebashkiakut të Bulqizës, Lefter Alla. Për këtë të fundit u pretendua se shfaqej në një video duke konsumuar lëndë narkotike. Por analizat treguan se ai nuk ishte përdorues droge.
“Jam shumë i çuditur me nivelin e ulët të profesionalizmit të SPAK-ut. I kërkoi një kryebashkiaku të bënte analiza urine, ndërkohë që duheshin analiza të një lloji tjetër. Këto analiza u bënë në Laboratorin e Policisë Shkencore.
Pra, ka dy lajthitje. Çështja u zgjidh, por dyshimi publik mbeti. Tani unë dyshoj jo te kryebashkiaku, por te SPAK-u.
Unë si qytetar kërkoj shpjegime, përndryshe do ta tërheq besimin tim te drejtësia e re. Po ktheni në modë shprehjen: Korbi korbit sytë s’ia qet”, shkruan Kristo.
