Moti orët në vijim/ Reshje në të gjithë vendin, ja ku pritet borë

Gradualisht, mbi vendin tonë po depërtojnë masat ajrore të paqëndrueshme, të shoqëruar me erë hera-herës të vrullshme, më e theksuar përgjatë vijës bregdetare.

Orët në vijim do ketë mot me vranësira të dendura si dhe reshje shiu të cilat do të nisin fillimisht në veriperëndim e gradualisht në orët e mbrëmjes reshjet e shiut do të prekin të gjithë territorin. Shërbimi Meteorologjik Ushtarak parashikon se, gjatë orëve të natës e deri në orët e mesditës të ditës së nesërme reshjet e shiut me intensitet deri mestar do të mbeten prezente në të gjithë territorin. Në lartësinë mbi 300 metra në verilindje dhe 500 në pjesën tjetër të vendit reshjet e shiut do të konvertohen në reshje bore. Në orët e pasdites reshjet do të lokalizohen në zonat malore në formën e dëborës.

LEXO EDHE  Vuajnë nga uria, Subashi i tregon ligjin/ Berisha: Të pashpirt

Era do të jetë nga kuadrati i jugu me shpejtësi mesatare deri në 10m/sek, hera-herës e vrullshme deri në 30m/sek kryesisht përgjatë luginave dhe vijës bregdetare.

Temperaturat parashikohen:

  • vendet malore 2°C deri në 6°C
  • vendet e ulëta 4°C deri në 10°C
  • vendet bregdetare 5°C deri në 10°C