Agron Duka, kreu i PAA-së, në aleancë me PD-në, i ka bërë thirrje qytetarëve se ka ardhur koha që ata t’i vënë fre arrogancës së pushtetit dhe më 2 mars.
Më 2 mars do të zhvillohet protesta e thirrur nga Presidenti Ilir Meta, i cili ka kërkuar që qytetarët të mbajnë në duar mimoza dhe flamuj kombëtarë, ndërsa ai do të firmosë edhe dekretin e parë kundër asaj që e konsideron si “shkatërrimin e grushtit të shtetit”.
“Përballë sulmit të paprecedent të mazhorancës ndaj institucioneve, mendoj se është koha që mazhoranca e qytetarëve, t’i vendosë fre arrogancës së pushtetit, – ka shkruar Duka në Fb. – Dy marsi është një datë që nuk i përket Presidentit, por gjithë qytetarëve që kërkojnë një shtet të së drejtës, jo një shtet monist, prandaj do të jem aty me bashkëqytetarët e mi.
Nuk mund të tolerojmë kapjen e Gjykatës Kushtetuese dhe asnjë pushteti tjetër; madje, iu bëj thirrje qytetarëve, që në dy mars të vijnë dhe të marrin mbrapsh pushtetin që iu kanë zhvatur një grusht i vogël njerëzish”, shkruan Duka në rrjetet sociale.
Drejtues të partive opozitare janë shprehur në mbështetje të protestës së thirrur nga Presidenti Ilir Meta.
