Koronavirusi ka shkaktuar deri më tani 12 viktima dhe 323 të infektuar në shtetin fqinj, Itali. Paniku tek qytetarët është rritur dhe frika nga koronavirusi ka bërë që ambientet publike të mos jenë më të tejmbushura me njerëz por thuajse bosh.
Reperi i njohur, Gjiko ka shkrepur disa foto nga aeroporti në Milano, i cili si rrallëherë ka pasur shumë pak njerëz.
“Një qytet-fantazëm” – e ka përshkruar Gjiko situatën aktuale në aeroport.
Këngëtari e ka marrë me humor situatën, e madje ka realizuar disa video në aeroport. Ashtu si edhe pasagjerët e tjerë, Gjiko i është nënshtruar kontrolleve të rrepta, në aeroport.
