Alesia Bami ,pjesë e rubrikës “Trotuar” në “E diell” ku u fol për pagat, tregoi se rroga e saj e parë në televizion, kapte shifrën e 300 mijë lekëve të vjetra. Ndërsa sot ajo jeton edhe me 400 mijë lekë të vjetra, pavarësisht se të gjithë jemi dëshmitarë të luksit që ajo reklamon në rrjetet sociale.
“Rroga ime e parë në televizion ka qenë 300 mijë lekë dhe më ndihmonin edhe prindërit. Kurse sot mund të jetoj edhe me 400 mijë lekë” – u shpreh Alesia ndërsa Manushi e ndërpreu dhe i kërkoi të heqë këpucët për t’i parë markën.
Gjatë një bisede të zhvilluar në Instagram me ndjekësit virtualë, Alesia Bami është pyetur edhe njëherë, nëse vërtet e shtyn muajin me aq para: “Vërtet e shtyn me 400 mijë lekë muajin?”
Ish-velina ka treguar se jetesën e luksit e fiton përmes reklamimeve dhe nëse do t’i duhet ta shtyjë muajin me 400 mijë lekë, do ta kalonte dhe me aq.
