Roza Lati priti dy ditë për t’iu përgjigjur akuzave të Keisit, se skeçi i realizuar me dijeninë dhe pjesmarrjen e Stresit, ishte një mënyrë për të tërhequr vëmendjen duke ndërhyrë pa të drejtë në jetën private të saj.
Moderatorja shprehet se duhej të ishte përgjigjur që të dielën, siç bëri Keisi, por duke qenë se kjo e fundit është “femra që ka ngrënë bukë te shtëpia e shokut tim dhe ai të do fort”, vendosi të përgjigjet me vonesë!
Moderatorja shprehet se ideja e skeçit ka qenë në plan që prej tetorit të 2018-s, dhe ka qenë e ideuar nga nëna e saj, artistja e njohur shqiptare Rita Lati. Qëllimi kryesor i këtij skeçi sipas Rozës është “të nxjerrë mirë të dashurin tënd”.
Roza shton gjithashtu se nuk e priste të gjithë këtë vrer nga “zonjusha që ka edukatë familjare dhe rri me telefon në dorë”.
Roza e quan Stresin “shok, vëlla, artist”, dhe shprehet se ai ka qenë dakord për të realizuar një skeç të tillë humoristik.
Reagimi aspak i përmbajtur i Rozës, vjen pas atij të Keisit, e cila pasi e ndoqi skeçin tha se gjithçka ishte një tallje publike e moderatores, së cilës “i janë tharë idetë”.
Keisi tha se nuk duhet të tallesh ose të bësh humor me vuajtjet e të tjerëve, aq më tepër kur bëhet fjalë për jetën e saj private.
