Nga BoldNews
Nëse do kishte një njësi matëse standarde për politikat me jashtë të kryeministrit Edi Rama, padyshim që do ishte një zero e madhe. Nismat e tij dhe të mikut të pandashëm Vuçiç për çështjen e “Minishengenit Ballkanik”, por edhe të “Korrigjimit të kufijve” iu shuan ende pa u ngjizur mirë. Më e fundit çmenduri politike, që kapërcente dy shtetet që përfaqsojnë Rama dhe Vuçiç, ishte çështja e “Minishengenit Ballkanik”, që u krijua si pasojë e marrëdhënies dyshe mes tyre në një holl hoteli në Neë York të SHBA-së.
Disa nga vendet e BE-së dhe vetë Brukseli zyrtar nuk e kanë mbështetur “Minishengenin Ballkanik”, duke e konsideruar atë si një nismë të papjekur dhe mbi të gjitha një formë e cila synonte mënjanimin e bllokut të madh të Bashkimit Europian dhe shkëputjen e Ballkanit Perëndimor nga integrimet e mëtejshme.
Kryeministri Rama, mori pjesë në samitin e BERZH-it që zhvilloi punimet në Londër ku edhe një herë mbrojti minishengenin ballkanik si një nismë që sipas tij do t’i krijojë më shumë lehtësira qytetarëve të Ballkanit.
“Deri në 2014 nuk ishin ulur kurrë kaq lehtë me njëri-tjetrin, pa armë, pa urrejtje, pa gjakderdhje, për të folur për të ardhmen. Natyrisht kemi probleme për të zgjidhur, por ne jemi duke punuar së bashku dhe duam të ndërtojmë së bashku të ardhmen e fëmijëve tanë. Nuk bie dakord me termin minishengen, nuk është aspak mini, pasi ne të jemi nga më të gjatët në rajon. Është një hapësirë rajonalë, ku bëhet fjalë për 4 liritë e lëvizjes”, tha Rama sot në një takim që pati në Londër.
Edhe ai vetë e ka të qartë se ideja për të ndërmarrë nisma që favorizojnë serbinë, fatkeqësisht edhe në kurriz të shqiptarëve, do hasnin edhe në rezistencën e vetë vendeve të BE-së, të cilët nuk mund të lejonin nisma haluçinative nga tekat e dy politikanëve të dalë bojë, Rama dhe Vuçiç.
Për më shumë kjo iniciativë personale solli qëndrimin e ashpër të të gjithë klasës politike në Kosovë, duke e konsideruar jo si “Minishengen Ballkanik”, por një “Mega Serbi”, e cila nëse do arrihej marrëveshja do e kishte më të lehtë lëvizjen e mallrave dhe të njerëzve. Padyshim që kjo do të kirijonte situatë kolapsi në ekonominë shqiptare dhe kosovare, duke pasur parasysh se Serbia është një nga vendet prodhuese të Ballkanit Perëndimor, sidomos në produktet bujqësore dhe industrinë ushqimore.
Minisshengeni Ramës i ra, por nuk është e vetmja. Po me aq bujë iu shemb nën këmbë edhe nisma më shumë se e çmendur e korrigjimit të kufijve mes Kosvës dhe Serbisë. Ajo parashikonte kalimin e Mitrovicës së Veriut nën Serbi dhe Kosova do të përfitonte një pjesë nga Lugina e Preshevës.
Në këtë ide që dyshohet se u poll nga korridoret e errëta të Beogradit me “hyrje-dalje” nga Moska, përveç kryeministrit Edi Rama u investua edhe Hashim Thaçi. Korrigjimi i kufijve u konsiderua nga liderët europianë, veçarisht kancelarja gjermane Angela Merkel me mjeft rrezik, pasi i hapte rrugë konflikteve të reja territoriale dhe etnike në të gjithë Ballkanin e trazuar.
Rama u përpoq ta mohonte se ishte nismëtar i saj, por kurrë nuk e mohoi se ishte kundër idesë së “shkëmbimit të territoreve”. Të dyja këto ide të artikuluar dendur nga kryeministri ynë, që pasi dështon mburret se është “i gjatë”, ia kanë ulur tërësisht kredot në Perëndimim, ku po shihet jo më si një bashkëpunëtor, por si trazovaç i pavlerë që duhet mbajtur nën kontroll.
