Policia e Shtetit ka reaguar lidhur me një sasi prej 800 kilogramë drogë që u sekuestrua në afërsi të Igumenicës. Mediat greke raportuan se lënda narkotike e kapur kishte hyrë në Greqi nga Shqipëria.
Por, Policia e Shtetit sqaron se në komunikim me homologët grekë, i është deklaruar se droga nuk është futur në Shqipëri, dhe është ngarkuar në territorin grek.
“Lidhur me një lajm të publikuar, për një sasi lënde narkotike cannabis sativa të kapur në Igumenicë, Greqi, që mund të kishte kaluar ne PKK Qafë Botë, Sarandë, informojmë se:
Policia Kufitare ka marrë menjëherë kontakt me homologët grekë, të cilët kanë deklaruar se kamioni nuk është futur në Shqipëri dhe nuk ka kaluar nga PKK Qafë Botë, Sarandë.
Autoritetet e Pikës së Kalimit Kufitar të Qafë Botës, të palës greke, konfirmuan faktin se automjeti frigoriferik e kishte ngarkuar lëndën narkotike në terrtorin grek”, thotë policia.
