Në Itali në zonën e Lombardisë janë marrë disa masa për të ndaluar përhapjen e mëtejshme të koronavirusit. Autoritetet lokale kanë vendosur mbylljen e shkollave, kishave dhe dyqaneve për të paktën një javë, deri sa situata të normalizohet.
Emisioni investigativ Le iene, ka publikuar edhe videon ku tregon se si janë zbrazur dyqanet menjëherë pas urdhrit për mbylljen e tyre.
Pamjet e publikuara nga emisioni Le iene i përkasin zonës së kuqe të Lodit, ku përfshihen krahinat e kremonezes dhe Piaçencës.
Gjithashtu Le iene bën me dije se në 10 bashki mes Venetos dhe Lombardisë është dhënë urdhër që asnjë nga banorët nuk mund të hyjë dhe do të ketë kontrolle të rrepta.
Në vijim të masave të marrë për tu mbrojtur nga koronavirusi në pjesën më të madhe të Lombardisë përfshirë edhe Milanon janë pezulluar një sërë aktivitetesh. Kisha e Milanos ka pezulluar çdo aktivitet. Ndërkohë që janë mbyllur dhe qendrat kulturore dhe ato të artit si “teatri La Scala’ dhe ‘Picolo’, të cilat kanë pezulluar çdo aktivitet.
Situata në markete në zonën e Lombardisë ka krijuar një situatë kaosi, ku me qindra njerëz qëndrojnë në radhë për të marrë furnizimet me ushqime, apo për të blerë dhe dorezat si dhe maskat mbrojtëse të cilat po përdoren si masë mbrojtëse kundër koronavirusit. /Le Iene.it/ Përshtati Boldnews.al
https://www.iene.mediaset.it/2020/news/coronavirus-lombardia-supermercati-aperti_694310.shtml
Ja imazhit që vijnë nga marketet nga zona e kuqe:
