Pas Inter-Sampdoria, Atalanta-Sassuolo dhe Verona Cagliari një tjetër sfidë e javës së 25-të të Serie A është shtyrë për një datë tjetër të pacaktuar nga frika e koronavirusit që është përhapur me shpejtësi në Itali.
Bëhet fjalë për takimin mes Torinos dhe Parmës që ishte në program këtë të diel në orën 15:00 në stadiumin Olimpico të Torinos. Lajmi u publikua nga vetë klubi “Granata” në faqen zyrtare në Twitter.
Kështu nga gjashtë ndeshje të programuar për ditën e sotme në Serinë A, do të luhen vetëm 2, takimi mes Genoas dhe Lacios i cili sapo ka nisur dhe në orën 18:00 luhet Roma-Lecce.
