Java e 23-të e Kategorisë Superiore u hap ditën e djeshme me kryendeshjen e javës midis Kukësit dhe Tiranës, ku kryeqytetasit fituan me përmbysje 1-2.
Por edhe ditën e sotme sfidat e mëdha nuk mungojnë, pasi sot është radha e skuadrës tjetër kryeqytetase të zbresë në fushën e lojës, Partizanit, të cilët do të përballen në “Air Albania” me Bylisin. Kjo sfidë luhet në orën 17:00.
Të kuqtë kanë regjistruar tre fitore radhazi në kampionat dhe me një fitore sot do të hidhnin dhe ata kandidaturën për titullin kampion. Nga na tjetër Bylisi pas një starti fantastik së fundmi ka humbur shumë terren pasi nuk regjistron asnjë fitore prej 5 ndeshjes, teksa ka barazuar tre dhe humbur 2.
Në të njëjtin orar luhet një tjetër takim i rëndësishëm, në Korçë. Skënderbeu vendas pret Teutën, skuadër që synon kupat e Europës. Fazën e parë korçarët kanë triumfuar, kurse durrsakët janë hakmarrë në takimin e dytë në “Niko Dovana”.
