Vetting/ KPK shkarkon nga detyra kryetarin e Gjykatës Administrative të Vlorës Astrit Shema

Komisioni i Pavarur i Kualifikimit ka shkarkuar nga detyra kryetarin e  Gjykatës Administrative të Vlorës, Astrit Shema, për pasuri të pajustifikuara.

Vendimi u shpall ditën e sotme nga trupa gjyqësore e drejtuar nga Suela Zhegu, me relatore Etleda Çiftja dhe anëtare Xhensila Pine.

Në seancën dëgjimore para KPK-së, Shema u përball me akuza për deklarime kontradiktore dhe fshehje të llogarive të pagës së të birit dhe bashkëshortes. Analiza financiare e nxorri gjyqtarin Shema me mungesë burimesh prej 5.2 milionë lekësh.

LEXO EDHE  Specialisti Seferi: Vetëm 15 epidemiologë gjurmojnë rastet e dyshuara me COVID, nuk mjaftojnë

Shema ka filluar punë në sistemin e drejtësisë që prej mesit të viteve 90’, si gjyqtar e drejtues Gjykate në Përmet dhe më pas në Gjirokastër e prej vitit 2013 si Kryetar i Gjykatës Administrative të Vlorës.

Ai u hetua vetëm për kriterin e pasurisë, ndërsa kërkesat e tij për të rihapur hetimet për dy kriteret e tjera u rrëzuan nga Komisioni i Pavarur i Kualifikimit.