Sterling “flirton” me Real Madrid: “Jam mirë te City, por…”

Raheem Sterling është një ndër lojtarët kryesorë te Manchester City dhe shumë klube evropiane shpesh janë interesuar për shërbimet e tij.

Një ndër ato klube është dhe Reali i Madridit, të cilët kohët e fundit janë vënë pas 25-vjeçarit. Duke folur mbi këtë mundësi në një intervistë të fundit për “AS”, Sterling, ka deklaruar se ndihet mirë te skuadra e Manchester City-t dhe se ka një kontratë për të respektuar por një kalim i mundshëm te “Los Blancos” e intrigon atë.

LEXO EDHE  Liverpool vazhdon serinë e fitoreve, mposht me përmbysje Arsenalin

“Për momentin jam mirë te Man.City, jetesa është e lumtur dhe në fushën e lojës kam pasur sukses. Por Real Madrid është një klub fantastik, kur shikon bluzën e bardhë, e di saktësisht madhështinë e atij klubi”.

“Por në të njëjtën kohë, kam një kontratë me City-n dhe duhet ta respektoj. Por ajo ide më intrigon”.