Gjykata e Posaçme e Shkallës së Parë për Korrupsionin dhe Krimin e Organizuar ka rikonfirmuar sot masat e sigurisë për 6 personat e akuzuar për rrëmbimin dhe vrasjen e Jan Prengës.
Gjyqtarja Flora Hajredinaj ka vendosur që Bajram Hajri, Leonard Hajri, Olsi Turja, Elton hajri, Festim Bixhdili dhe Ardian Doçaj të qëndrojnë në burg.
Vetëm Festim Bexhdili pranon se ka qenë në vendngjarje dhe që është marrë me pastrimin dhe ka thënë se armët i kanë lënë pengmarrësit, ndërsa personat e tjerë të akuzuar për marrjen peng dhe vrasjen e 49-vjeçarit Prenga, e kanë mohuar që të kenë lidhje me ngjarjen.
Jan Prenga u rrëmbye më 17 janar në zonën Kamzës dhe humbi jetën nga torturat. Trupi i tij nuk është gjendur ende. Sipas hetimeve, rrëmbimi dhe vrasja e tij erdhën pas konflikteve për drogën mes grupit Hajri dhe vëllezërve të viktimës në Angli.
