Ish-ministri i Drejtësisë, Ylli Manjani, thekson se bazuar në Kushtetutë, Presidenti nuk ka asnjë kompetencë për shpërndarjen e Parlamentit. Në këtë mënyrë, Manjani i është përgjigjur qëndrimeve sepse Ilir Meta nuk shpërndan Kuvendin, të cilin një ditë më parë e quajti një gjysëm-Parlament dhe deputetët i cilësoi si dele.
Manjani rendit 3 arsyet se kur mund të shpërndahet Parlamenti.
“Proceduralisht, nisma për shpërndarjen e Kuvendit merret nga Presidenti vetëm kur Kuvendi i ri i pas zgjedhjeve nuk zgjedh dot Kryeministrin e ri sipas nenit 96.
Në çdo rast tjetër, Presidenti vihet në lëvizje nga Kryetari i Kuvendit dhe Kryeministri.
Më në fund, në asnjë kompetencë të shkruar në Kushtetutë nuk përmendet “shpërndarjae Kuvendit” si detyrë specifike për Presidentin”, shkruan Manjani.
Por sipas tij, çështja është se kjo Kushtetutë ka rënë, sepse është praktikisht e dhunuar aq keq sa nuk ke më nga ta kapësh për të gjetur kush ka të drejtë e kush jo.
“Zbatimi korrekt i kësaj kushtetute kërkon qeverisje demokratike të bazuar në zgjedhje të lira; Kushtetutën si aktin themelor të shtetit; demokracinë si parim themelor; pluralizmin politik si filozofi sunduese dhe ekonominë e lirë të tregut. Të gjitha këto parime të shkruara në Kushtetutë.
Por, në realitet të gjitha këto kanë marrë fund!
Pyetja është si rivendoset rendi Kushtetues?
Mendimi im është vetëm me proces politik që çon vendin në zgjedhje të lira e të ndershme si fillim. Në vijim duhet shpallur “e shenjtë” Kushtetuta dhe duhet ndërtuar shteti NORMATIV, sipas hierarkisë”, shkruan Manjani.
Postimi nga Ylli Manjani
Në përgjigje të gjithë gazetarëve dhe miqve në FB,megjithwe e kam sqaruar dhe më parë, po e sqaroj edhe njëherë “shoërndarjen e Kuvendit” sipas Kushtetutës.
Kuvendi mund të shpërndahet vetëm në tre rrethana:
1. Kur nuk arrin të zgjedhë Presidentin sipas nenit 87 të Kushtetutës.
2. Kur nuk arrin të zgjedhë Kryeministrin , sipas nenit 96.
3. Kur Kryeministri humbet mocionin e besimit sipas nenit 101.
Këto janë arsyet e vetme kushtetuese kur shpërndahet Kuvendi.
Proceduralisht, nisma për shpërndarjen e Kuvendit merret nga Presidenti vetëm kur Kuvendi i ri i pas zgjedhjeve nuk zgjedh dot Kryeministrin e ri sipas nenit 96.
Në çdo rast tjetër, Presidenti vihet në lëvizje nga Kryetari i Kuvendit dhe Kryeministri.
Më në fund, në asnjë kompetencë të shkruar në Kushtetutë nuk përmendet “shpërndarje Kuvendit” si detyrë specifike për Presidentin.
Kjo është Kushtetuta e shkruar.
——-‐————————————
Komenti im:
Çështja është se kjo Kushtetutë ka rënë, sepse është praktikisht e dhunuar aq keq sa nuk ke më nga ta kapësh për të gjetur kush ka të drejtë e kush jo.
Zbatimi korrekt i kësaj kushtetute kërkon qeverisje demokratike të bazuar në zgjedhje të lira; Kushtetutën si aktin themelor të shtetit; demokracinë si parim themelor; pluralizmin politik si filozofi sunduese dhe ekonominë e lirë të tregut. Të gjitha këto parime të shkruara në Kushtetutë.
Por, në realitet të gjitha këto kanë marrë fund!
Pyetja është si rivendoset rendi Kushtetues?
Mendimi im është vetëm me proces politik që çon vendin në zgjedhje të lira e të ndershme si fillim. Në vijim duhet shpallur “e shenjtë” Kushtetuta dhe duhet ndërtuar shteti NORMATIV, sipas hierarkisë.
I gjithë korpusi ligjor i normave speciale, të veçanta apo të jashtëzakonshme, tipike këto për shoqërinë diktatoriale duhet SHFUQIZUAR dhe duhet ndaluar miratimi i mëtejshëm i tyre.
Kështu fillon. Por ka plot për të bërë….
