Katër persona, 3 prej tyre fëmijë, kanë vdekur pasi një makinë ka shpërthyer në flakë në Australi. Fëmijët, të tre nga 10 vjeç, u gjetën të vdekur nga forcat e emergjencës, bën me dije policia vendase. Po ashtu, bashkë me të miturit u dogj edhe një burrë, për të cilin dyshohet se e kishin të afërm.
Ndërsa një grua tjetër e cila ndodhej në makinë ka pësuar djegie të shumta dhe është dërguar në spital për të marrë mjekim. Sipas dëshmitarëve, gruaja është parë të hidhet nga makina ndërsa ajo ishte në flakë. Ajo është dëgjuar të thotë “ai hodhi benzinë mbi mua”.
“Është shumë herët për hetimet, makina ishte e gjitha e përfshirë nga flakët kur mbërriti policia në vendngjarje” – tha një zyrtar i policisë.
Po ashtu, nga zjarri është lënduar edhe një kalimtar, i cili është përpjekur që t’i ndihmojë viktimat, duke i nxjerrë nga makina.
