Artistja e njohur Keti Bashhysa ka qenë e ftuar pasditen e djeshme në “Ftesë në 5” me Bieta Sulon. Ajo ka treguar për përjetimet e tërmetit të 26 Nëntorit, që jo vetëm e lëndoi psikologjikisht, por e la edhe pa shtëpi. Ajo rrëfeu se kishte vetëm 3 muaj që kishte hyrë në shtëpinë e cila u dëmtua nga tërmeti dhe tashmë është e pabanueshme.
“Unë kam përjetuar një gjë shumë të tmerrshme. I lutesha zotit nga momenti në moment, e dija që do të vdisja, por i lutesha zotit të mos më dhëmbë shumë, mos ta ndjeja shumë. Ishte e tmerrshme. Shtëpai është e pabanueshme. Shpresat janë të pakta, për ët mos thënë fare”- rrëfeu ajo.
Sa kohë kishe që ishte futur në shtëpi?
“Kisha vetëm 3 muaj dhe e doja shumë shtëpinë si çdo njeri. Prisja me padurim të mblidhja një shumë lekësh dhe të blija diçka të re. E admiroja atë shtëpi, por s’ishte e thënë”- ka rrëfyer Keti Bashhysa.
