Video/ Aksident i frikshëm në NASCAR, makina shpërthen në flakë

Një aksident i frikshëm ka ndodhur në garën “Daytona 500” në NASCAR. Makina e Ryan Newman u godit nga pas duke humbur kontrollin, e më pas u përplas nga makinat e tjera, duke u rrotulluar në asfalt.

Makina “Ford Mustang” me numër 6 shpërtheu më pas në flakë duke ngjallur frikë te të pranishmit. Raportohet se mjeti kishte arritur shpejtësinë 310/km/h në çastin kur ndodhi goditja.

Drejtuesi ka marrë dëmtime serioze, por pa rrezik për jetën. I pranishëm mes spektatorëve ishte dhe presidenti i SHBA-ve Donald Trump, që është lutur për pilotin e aksidentuar.

LEXO EDHE  "Signal Iduna Park" vihet në shërbim të të prekurve nga COVID-19

“Lutemi për Ryan Newman, një shofer i shkëlqyeshëm dhe i guximshëm”, shkroi në Twitter Shefi i Shtëpisë së Bardhë. Në garën e djeshme fitoi sërish Denny Hamlin, i cili triumfoi për të dytin vit.