Seanca në KPA, Komisioneri Publik kërkon shkarkimin e Besnik Canit/ “Nuk justifikon pasurinë”

Komisioneri Publik ka paraqitur konkluzionet përfundimtare në KPA për subjektin Besnik Cani, i cili është anëtar i KLP-së, ndërsa kërkoi shkarkimin e tij nga detyra.

Sipas Komisionerit Publik, Cani ka pasaktësi në deklarimin e pasurisë. Në konkluzionet përfundimtare thuhet se Cani nuk justifikon dy shuma lidhur me blerjen e banesës. Gjithashtu për periudhën 2010-2015 ka një bilanc negativ me 2 mln lekë.

“Për pasurinë ka mungesa të arsyeshme për ta justifikuar. Ka kryer deklarim të pa saktë dhe ka burime të pa mjaftueshme. Për banesën në Paskuqan nuk ka provuar vlerën e saktë të investuar. Për pasurinë garazh dhe makine nuk ka deklaruar burimin e krijimit të tyre dhe ka kryer deklarim të pa saktë”, thuhet në konkluzionet e Komisionerit Publik.

Në këto kushte, Komisioneri Publik çmon se konfirmimi në detyrë është marrë në vendim të gabuar të ligjit, duke kërkuar shkarkimin nga detyra të Besnik Canit pasi nuk ka burime të ligjshme të krijimit të pasurisë.

LEXO EDHE  Zbardhet e vërteta/ Rama dërgoi një punëtor karburanti në Itali për të luftuar COVID-19

Nga ana e tij, prokrurori Cani thotë se gjykimi ndaj tij nuk po kryhet në mënyrë njësoj si për kolegët e tjerë.

“Për shumën prej 6 mijë euro kam dokument që janë marrë nga baxhanaku. Kam 26 vite eksperiencë në organet e drejtësisë.

Një pjesë e pasurisë si tokë, automjet dhe garazh janë përfituar nga kredi, e cila vazhdon akoma të shlyhet. Gjykimi ndaj meje nuk po kryhet i barabartë ashtu si me anëtarët e tjerë të KLP.
Kërkoj respektim të të njëjtave të drejta si anëtarëve të tjerë. Nuk është i drejtë largimi im nga radhët e drejtësisë pasi kam 26 vite që kontribuoj, pasi kemi luftuar çdo ditë më krimin e organizuar.

Kërkoj mos pranimin e ankimit të Komisionerit Publik për shkarkimin tim”, tha Cani.