Atletico Madridi ka triumfuar përballë Liverpoolit në Wanda Metropolitano, në ndeshjen e parë të 1/8 së finales në Ligën e Kampionëve.
Pas një krosimi nga këndi, Saul reagoi më së miri në zonë duke e zhbllokuar rezultatin nē minutën e 4. Szymon Marciniak gjyqtari e rishikoi përmes sistemit VAR për pozitë jashtë loje, por u konfirmua se goli ishte i rregullt.
Salah u tregua i rrezikshëm, mirëpo rezultati mbeti i pandryshuar dhe Los Rojiblancos shkuan në pushim me epërsi prej një goli.
Një shans shumë të mirë shënimi, Mohamed Salah e pati në pjesën e dytë. Pas një harkimi në zonë, ai goditi për mrekulli me kokë, mirëpo topi shkoi pranë shtyllës. Gjithçka u mbyll 1 me 0 për Atleticon.
Në ndeshjen tjetër mes Dortmund dhe PSG-së, spektakli ishte në pjesën e dyte. Të parët rrezikuan francezët me Kylian Mbappe, i cili gjuan bukur, por Roman Burki ishte në vend në minutën e 66-të.
Goli erdhi në minutën e 69-të. Erling Haaland shënoi, ku një top i kthyer nga portieri u ndal para këmbëve të tij, ndërsa ai e shtyri topin në rrjetë (1-0).
Por nuk vonoi shumë dhe Neymar barazoi shifrat në minutën e 75-të. Një aksion individual i Mbappe nga e djathta ku kaloi tre lojtarë gjerman, për të pasuar për Neymar që shënoi në portën e zbrazët (1-1).
Por Haaland e ktheu menjëherë epërsinë e Dortmund vetëm pas dy minutash (2-1). Goli erdhi nga një goditje e fortë nga jashtë zonë e norvegjezit për të shënuar një super gol.
