Berisha: Ja sa vite më duheshin mua për të zhdukur gjurmët e tërmetit dhe sa i duhen Ramës

I ftuar në ‘Tempora’ ish-kryeministri Sali Berisha ka folur për konferencën e donatorëve në Bruksel si dhe për dëmet e tërmetit.

Ish-kreu i qeverisë deklaroi se nëse ai do të gjendej në të njëjtën situatë, atij do i duheshin vetëm dy vite paratë e buxhetit dhe vetëm grantet e ndërkombëtarëve për të zhdukur çdo gjurmë tërmeti.

Sa i përket Ramës, Berisha tha se me këtë strategji të kryeministrit aktual dëmet e tërmetit do të zhduken pas 8 ose 10 vitesh ose më keq akoma nuk do zgjidhen kurrë.

‘Unë për dy vite nga buxheti pa asnjë kokëdhimbje me ato grante dhe me paratë e buxhetit, gjurmë tërmeti më nuk do të kishte. Ky çfarë ka bërë? I ka dhënë gjithsej 1 milionë euro një hoteli në Kavajë, ka dhënë 63 mijë euro për viktimat që janë vrasje shtetërore të mirëfillta, ka dhënë vetëm 15 përqind bonuse, dhe asgjë tjetër nuk ka dhënë ky. Unë jam njeriu që që ditën e katërt e denoncova si cinike dhe tallje gjendjen e tij të jashtëzakonshme. Nëse shpall gjendje të jashtëzakonshme pa fondin e gjendjes së jashtëzakonshme, ti vetëm tallesh. Pa buxhet kjo çështje do të zgjasë 8-10 vite, ose nuk zgjidhet fare’, tha Berisha.

LEXO EDHE  Paloka: Po vazhdoi t’i bëjë rregullat i sëmuri psikik i Surrelit, shumë shpejt do flitet për mutacion njerëzish