1.15 miliard euro janë mbledhur për Shqipërinë, nga Konferenca e Donatorëve që u mbajt ditën e djeshme në Bruksel.
Shuma e dhuruar nga shtete të ndryshme pjesëmarrëse pritet të shkoj për procesin e rindërtimit, pas tërmetit tragjik që goditi vendin.
1.15 miliard euro janë donacione, projekte dhe kredi, ndonëse kreditë përbëjnë më shumë se gjysmën e shumës, ku 160 mln u dhanë nga Banka Botërore, rreth 360 mln euro nga Banka Islamike për Zhvillim, 100 milionë euro nga Banka Europiane e Investimeve, 80 milionë euro nga BERZH dhe mbetet për t’u sqaruar dhe Franca dhe Italia se sa është kredi dhe sa grant.
Ndërkohë pas këtij lajmi rrjeti ka shpërthyer në meme pasi një shumë aq e madhe parash do të jetë në dorë të kryeministrit Edi Rama dhe ministrit për Rindërtim Arben Ahmetajt.
Madje edhe vet ndërkombëtarët kanë dyshime në menaxhimin e fondeve nga ana e qeverisë shqiptare.
“Korrupsion nuk do të ketë dhe nuk do të tolerohet. Ne do të jemi të përfshirë në implementimin dhe është shumë e qartë se ku janë nevojat më të mëdha, në sektorin e strehimit dhe ndërtesat publike. Aty do të fokusohemi edhe ne. Dhe sigurisht, që nëse do mundemi t’i modernizojmë këto rajone në Shqipëri, do ta bëjmë këtë.” -deklaroi komisioneri i BE për Zgjerimin, Oliver Varhelyi.
Shihni më poshtë memet në rrjetet sociale me fokusin kryesor Arben Ahmetaj.
