Në fund të Nëntorit të kaluar, në një kohë kur vendi ishte në kulmin e mosmarrëveshjejeve politike, Presidenti i Republikës kishte paralajmëruar një tubim mbarëkombëtar në Qytetin Studenti më datë 8 Dhjetor, ditë e cila përjkujton nisjen e lëvizjes studentore në 1990.
Tragjedia që shkaktoi tërmeti i 26 Nëntorit ndërpreu ccdo nismë dhe aksion politik përfshirë atë të tubimit që kishte thirrur Meta, aksionit të opozitës së bashkuar kundër qeverisë që ishte vendosur me shpatulla pas murit për sdhkak të përgjigjes negative për hapjen e negociatave, por edhe të aksionit të mazhorancës për shkarkimin e Presidentit Meta.
Ndërkohë, mësohet se ditën e enjte me 20 Shkurt 2020 ora 11.00 në Sallën “Liria” në “Qytetin Studenti”, do të zhvillohet një aktivitet ku do të marrin pjesë një grup intelektualësh, pedagogësh, studentësh përfshirë edhe Presidenti Ilir Meta ku do të prezantohet një nismë kombëtare: “SHQIPTARË: Mos ikni, kthehuni në ATDHE”.
Theksojmë se prej kohësh Meta ka bërë thirrje ndaj klasës politike e vaccanërsisht ndaj mazhorancës për të frenuar largimin masiv të shqiptarëve nga vendi, kryesisht të të rinjve, ndërsa nuk i ka kursyer akuzat ndaj qeverisë si shkaktare e pesimizmit dhe humbjes së shpresës tek shqiptarët.
