Një sherr në Korçë degjeneroi në të shtëna me armë zjarri pasditen e sotme. Nga të shtënat nuk ka persona të lënduar. Një nga personat e përfshirë në konflikt është shoqëruar në komisariat, ndërsa policia ka identifikuar dhe është vënë në kërkim të dy vëllezërve.
Ngjarja
Policia njoftoi se: rreth orës 13:10, në lagjen nr. 8, gjatë një konflikti për motive të dobëta ndërmjet dy vëllezërve V.X e K.X me shtetasin E.B, banues në Korçë, dyshohet se njëri prej vëllezërve ka qëlluar në ajër me armë zjarri tip pistolete. Dy vëllezërit kanë hedhur në tokë armën e zjarrit dhe janë larguar me shpejtësi nga vendi i ngjarjes.
Forca policie janë vënë në ndjekje të dy autorëve të dyshuar të ngjarjes dhe po punojnë për kapjen e tyre. Shtetasi E.B. është shoqëruar në ambientet e Komisariatit për sqarimin e rrethanave të ngjarjes.
Ndërkohë, grupi hetimor po punon për zbardhjen e plotë të rrethanave të ngjarjes.
