Nënkryetari i LSI-së, Petrit Vasili, akuzoi Kryeministrin Edi Rama se po përdor Komisionin e Venecias për kapjen e drejtësisë dhe institucioneve.
Referuar votimit më të fundit në Parlament, ku u ndryshua procedura e betimit të anëtarëve të Gjykatës Kushtetuese dhe asaj të Lartë, duke i lënë një afat 10 ditor Presidentit dhe më pas anëtari i zgjedhur mund të dërgonte me shkrim formulën e betimit, Vasili tha se me një veprim të tillë, Parlamenti u vetëshpërnda.
“Rama-Ruçi fyen dhe provokuan Komisionin e Venecias, ligji u miratua para se Venecia të vinte në Tiranë, ndërkohë që Komisionit i ishte kërkuar opinion.
Parlamenti me këtë veprim u vetëshpërnda”, tha Vasili.
Ai i drejtoi një apel edhe ndërkombëtarëve që sygjeruan konsultimet te Komisioni i Venecias që të reflektojnë.
