Edin Hazard është rikuperuar plotësisht dhe do të jetë në dispozicion të Zinedine Zidane për ndeshjen kundër Celta Vigos këtë fundjavë.
Këtë gjë e ka konfirmuar trajneri, Zinedine Zidane, në konferencën për shtyp para ndeshjes kundër Celta Vigos ditën e nesërme.
Plani i “Los Blancos” është ta sjellin lojtarin në kushte optimale për sfidën që Reali do të luajë kundër Manchester City-t në Ligën e Kampioneve më 26 shkurt, dhe përpara kësaj sfide belgu pritet të luajë disa minuta kunder Celta Vigos dhe Levantes.
“Skuadra do të fitojë një lojtar të madh me rikthimin e tij. Është koha që ai të rikthehet të luajë, por do të tregohemi të kujdesshëm, Hazard nuk luan prej 3 muajsh por gjithsesi fizikisht ai është i gatshëm të luajë”.
