VIDEO/ Nga 148 në 175 km/orë, policia pezullon 16 patenta. Ja çfarë ndodhi natën

Me shpejtësi nga 148 në 175 km/h, Policia Rrugore i ka hequr patentat, 16 drejtuesve të mjeteve.

Policia ka ushtruar kontroll në aksin Tiranë – Durrës, ndërsa në rrjetet sociale ka postuar një mesazh të qartë se “fundjava dhe festat janë për t’u festuar, jo për të fluturuar në rrugë dhe përfunduar në spital apo më keq akoma”.

Në të dyja anët e rrugës Tiranë-Durrës u bë për disa orë kontroll në të dyja kahet e lëvizjes, ndërsa u evidentuan shumë drejtues mjetesh që shpejtonin për të fituar vetëm disa minuta me shumë, duke qarkulluar gati me dyfishin e shpejtësisë se lejuar, pa konsideruar edhe lagështirën dhe errësirën ne rruge.

LEXO EDHE  Kursime për ditë të vështira, rriten depozitat e individëve dhe bizneseve

U vunë 14 masa administrative për manovra të rrezikshme në rrugë dhe shpejtësi mbi normat e lejuara, jo me shume se 20 km/h.

Policia kujtoi edhe njëherë: “Shoqëria të pret, ndërsa shpejtësia të vret, ndaj mos nxito të arrish fundin, trego durim në drejtim, respekto normat e sjelljes ne rruge, mos tejkalo kufizimet e shpejtësisë, mos drejto mjetin pas përdorimit te pijeve alkoolike, udhëzimet dhe këshillat për sigurinë tuaj dhe të tjerëve”.