Ditën e sotme, luhet supersfida mes Tiranës dhe Skënderbeut.
Në fushë do të përballen sulmi më i mirë i Superiores (i Tiranës) dhe një ndër mbrojtjet më të këqija të kampionatit. Gjithsesi ky fakt nuk do të thotë që korçarët zbarkojnë në kryeqytet të dorëzuar. Dihet që Skënderbeu ka një grup të mirë futbollistësh dhe mund të përballet haptazi me këdo.
Për të dyja skuadrat rezultati i vetëm që u intereson është fitorja me Tiranën që nuk duhet të lejojë shkëputjen e Kukësit në krye ndërsa Skënderbeu nga ana tjetër kërkon triumfin për të kapur skuadrat kryesuese pasi vend i katërt që mbahet nga Laçi është vetëm 4 pikë larg.
Skënderbeu nuk regjistron një fitore prej 2 ndeshjesh teksa ka humbur me Laçin ndërsa në sfidën e fundit barazuan në shtëpi kundër Bylisit. Nga ana tjetër Tirana ka fituar 7-të ndeshje radhazi në kampionat duke konfirmuar se është skuadra më në formë e Superligës.
Sfida luhet në orën 17:00 në “Air Albania Stadium”.
