Sormani: Ndaj Laçit ndeshje e vështirë, kam përmirësuar gjendjen psikologjike të klubit

Skuadra e Partizanit luan ditën e nesërme një ndeshje shumë të vështirë kundër Laçit në transfertë.

Pas 21 javëve të luajtura, Partizani renditet në vendin e tretë me 34 pikë, gjashtë më pak se Tirana e vendit të dytë dhe shtatë pikë nga kryesuesit e Kukësit.

Ndërsa pas 2 fitoreve radhazi në kampionat, kjo është ndeshja e duhur që “të kuqtë”, të tregojnë që me të vërtetë e kanë kaluar krizën.

Në prag të kësaj sfide, ka dalë në konferencën për shtyp trajneri i skuadrës, Adolfo Sormani, i cili është shprehur:

LEXO EDHE  Juventusi i Andrea Pirlo-s, legjenda e Italisë premton revolucion në mesfushë

“E dimë që na pret një ndeshje shumë e vështirë, ndaj një kundërshtari shumë agresiv, por mendoj që tashmë skuadra është rritur dhe zhvillon një lojë tepër intensive. Kur erdha te Partizani ishte një ambient depresiv, ndërsa tani është një moment shumë i mirë psikologjikisht për të përballuar ndeshjen e radhës”.