Prej disa javësh, kreu demokrat Lulzim Basha ka nisur një fushatë nën sloganin “Po të dëgjoj”, ku përfshihen takime derë me derë e nëpër rrugë, apo komunikime me ndjekësit përmes rrjeteve sociale.
Së fundmi, Basha ka vendosur që të komunikojë me ndjekësit edhe përmes llogarisë në Instagram.
“Ky është komunikimi ynë i parë në Instagram dhe do doja të dija mendimet tuaja për shumë cështje. Por le ta nisim me problemet e rinisë. Nëse do të drejtonit Ministrinë e Arsimit për një ditë, cili do të ishte vendimi i parë që do të merrnit për të përmirësuar jetën e të rinjve në Shqipëri?’, pyet Basha.
