Kryeministri Edi Rama, me cilësinë e kryetarit të OSBE, duke folur në Samitin mbi Sigurinë që mbahet në Mynih, tha se përsa kohë Rusia do të jetojë me frikën se është rrethuar nga NATO e BE, nuk do të ketë zgjidhje përfundimtare në raport me Ukrainën.
“Nuk ka të bëjë vetëm me Ukrainë, Gjeorgjinë, por me civilizimin tonë. Dhe Rusia, për aq kohë sa do të jetojë me frikën e të qenurit rrethuar nuk do të ketë një zgjidhje përfundimtare. Për aq kohë sa do të jetojë me frikën e rrethuar nga NATO dhe BE, gjërat nuk do të përmirësohen. Zelensky nuk ka kohë, ka vetëm 4 vjet. Palët e tjera kanë shumë kohë. 16 vjet më parë u mblodhët duke qenë se ishit të shqetësuar për Ukrainën, por 16 vjet më vonë kemi një luftë atje”, u shpreh Rama.
Ai vuri theksin tek sovraniteti që sipas tij është edhe një nga parimet e themelimit të OSBE.
Rama iu bëri thirrje të gjitha vendeve të OSBE të ofrojnë mbështetje për njerëzit, që jetojnë në kufirin e luftës, pasi sipas kryeministrit, vazhdojnë incidentet dhe njerëzit atje po jetojnë si në ferr.
“Unë isha 11 vjeç kur u krijua OSBE dhe Shqipëria jo vetëm që ishte i vetmi vend që nuk mori pjesë, por ishte edhe vendi që e denocoi krijimin e OSBE si një shkallëzilm të degjenërimt të botës.
Ajo që është mbreslënësë është që vetë parimi thememli i i OSBE është fjala sovranitet, dhe këto parime sot po diskutohen. Kjo është një sfidë e madhe në një kohë ku për njerëzit po ndodhin gjëra të tmerrshme. Ura u ndërtua falë presidentit dhe falë paradhësit tim. Por është një urë që zë vetëm një ambulancë dhe ka 10 mijë njerëz që kalojnë nëpër këtë urë, shumica e tyre janë të moshuar që duhet të kalojnë nga ana ku kalojnë institucionet ukrainase.
Ambulanca nuk mund të shkojë në spital se ende nuk është arritur një marrëveshje për këtë. Ka përmirësime në Kiev sa i takon qenies në kontakt. Përmirësim nënkupton më mirë se më e keqja. Vazdojnë incidentet gjatë natës për shkak të mungesës së kapaciteteve për të kontrolluar”, tha Rama.
