Janë mbyllur takimet e orës 15:30 të Bundesligës gjermane, ndeshje këto të vlefshme për javën e 22-të të kampionatit.
Leipzigu ka marrë një fitore të thellë 3-0 në shtëpi kundër Werder Bremen. Ndeshja praktikisht është zgjidhur brenda pjesës së parë. Golat e Klostermann dhe Schick në minutat 18’ dhe 39’ i dhanë skuadrës avantazhin e dyfishtë.
Ndërsa në minutën e parë të pjesës së dytë, Mukiele, shënoi golin e tretë duke çuar shifrat përfundimtare në 3-0. Me këtë fitore Leipzig merr provizorisht kryesimin e kampionatit në kuotën e 45 pikëve.
Bayer Leverkusen ia ka dalë të triumfojë vetëm në sekondat e fundit takimin kundër Union Berlin, me rezultatin 2-3. Ishte Karim Bellarabi ai që i dha fitoren “Aspirinave” në Berlin në minutën e 94-t.
