Dënimi i Manchester City-t nga kompeticionet europiane nuk i ka shpëtuar vëmendjes së askujt. Aq më pak kur bëhet fjalë për Rio Ferdinand, i cili si një legjendë e Manchester United me siguri nuk është i shqetësuar aspak nga ky fakt por përkundrazi.
Gjithmonë shumë aktiv në rrjetet sociale, ish-lojtari i Manchester United ka përfituar nga një “Tweet” e llogarisë së “Football on BT Sports” për t’u entuziasmuar me ndëshkimin e rivalit të madh të “Djajve të Kuq”, veçanërisht të trajnerit Pep Guardiola.
Ish-lideri i Manchester United nuk e fsheh gëzimin e tij, riposton lajmin për dënimin e “qytetarëve” nga “Football on BT Sports” me imazhin e një Guardiole të dëshpëruar dhe shton një koment plot ironi: “Çfarë turpi…”. Statusin e shoqëron nga një e qeshur e madhe në formën e “emoji”.
What a shame……😂 https://t.co/wW66zz4fvf
— Rio Ferdinand (@rioferdy5) February 15, 2020
