Një konflikt ka ndodhur një ditë më parë në zyrën postare Vlorë. Një ish-punonjës i postës është konfliktuar me drejtorin e Postës Vullnet Bilbilaj. Pas një debati verbal, konflikti ka degraduar në përplasje fizike.
Burime bëjnë me dije se shtetasi i cili është përplasur me drejtorin është me iniciale F.M.. Si pasojë e konfliktit, ai është dëmtuar në dorë.
Punonjësit e postës, pasi kanë dëgjuar debatin kanë njoftuar policinë. Policia ka shoqëruar shtetasin F.M dhe drejtorin e postës Vullnet Bilbilaj. Ndërsa gjithë konflikti është dëgjuar edhe nga klientë të postës.
Mësohet se debati i tyre ka qenë me tone të larta dhe me fjalor fyes. Pas marrjes në pyetje, policia ka lënë të lirë drejtorin ndërsa ka nisur procedim penale për ish-punonjësin e postës për akuzat e përndjekjes dhe kanosjes.
Mësohet gjithashtu se shkak i sherrit ka qenë ndërprerja e marrëdhënieve të punës me F.M. me institucionin që drejtohet nga Bilbilaj. Ky i fundit pretendon të jetë hequr nga puna pa asnjë shkak.
