Vdes nëna dhe dy fëmijët, dyshohet se u helmuan nga gazi

Foto ilustruese

Tre jetë të humbura në Ostren të Bulqizës dhe një person në gjendje të rëndë. Informacioni konfirmohet nga policia lokale, që bën me dije se një grua 40 vjeçe dhe dy fëmijët e saj dyshohet se kanë ndërruar jetë si pasojë e helmimit nga një bombol gazi.

“Në Ostren, Bulqizë, është marrë informacion se në banesë janë gjetur pa shenja jete shtetasja Rajmonda Tola, rreth 40 vjeçe, dhe dy fëmijët e saj (vajza dhe djali), që dyshohet se janë helmuar nga bombola gazit. Në gjendje të rëndë shëndetësore është dhe një pjesëtar tjetër i familjes ku po transportohet për në spital. Grupi hetimor ka shkuar në vendngjarje dhe vijon hetimet për zbardhjen e ngjarjes”, njoftoi policia.

LEXO EDHE  Operacioni "Mezhgorani", policia jep detajet/ Pse u arrestua botuesi Henri Çili dhe 35 shtetas të tjerë

Burime policore bënë me dije se është në gjendje të rëndë vajza tjetër e familjes Tola. Sipas të njëjtave burime, kanë qenë fqinjë të familjes Tola që kanë zbuluar skenën tragjike, pasi kanë shkuar në banesën e tyre dhe kanë lajmëruar autoritetet. /BN/