Kryeministri Edi Rama ka shfajësuar ish-kryebashkiakun e Durrësit, Vangjush Dakon, duke thënë se ai nuk ka lidhje me lirimin e Lulzim Berishës, pasi këtë gjë e ka bërë gjyqtari.
I ftuar në ‘Opinion’, Rama është pyetur nga gazetarët për letrën që Dako ka çuar për lirimin e Lul Berishës, kryeministri tha se kjo s’ka lidhje me ish-kryebashkiakun por me prokurorinë dhe gjykatën.
“Paketë me dy pjesë. Njëra është ajo që ne kaluam në parlament që është ndërhyrja në ligj për prokurorët dhe gjykatësit, e cila ishte domosdoshmëri që ne të reagojmë me një instrument të ri. E vërteta është që në të gjithë periudhën e qeverisjes sonë po të shohim sa shumë arrestime ka bërë arrestuam dhe sa ka çuar para bankës prokuroria dhe sa dënime ka dhënë gjykata është e tmerrshme. Pra problem ka qenë sistemi i drejtësisë i kalbur që na ka gjunjëzuar”, deklaroi Rama.
Gazetarja: A ka letër të Bashkisë Durrës për lirimin e Lulzim Berishës?
Rama: Është një letër ordinere që jepet nga kryetarët e bashkive që kërkon Shërbimi i Provës. Janë qindra letra të tilla. Kryetari i Bashkisë mund edhe të jap edh enjë letër që të thotë se ky është hero. Por këtu çështja është çfarë bënë gjykata dhe prokuroria”.
