Dafina Zeqiri publikoi ditën e djeshme projektin e ri muzikor të titulluar “Merri Krejt”.
Një ekip thuajse me 20 njerëz punuan për këtë projekt të 30-vjeçares i cili erdhi shumë i veçantë. Teksti, që është shkruar nga reperi Elinel, flet për një raport në të cilin nuk mjaftoi dashuroi dhe gjithçka u kthye si “boomerang”.
Videoklipi ngjante me një film. Zeqiri u përpoq të vazhdonte projektin e një roboti të lënë përgjysmë, duke dashur që të krijojë një version robotik të vetes. Në fund, gjatë një përleshjeje roboti e vret këngëtaren.
“Mesazhi i videos është shumë i qartë: Njerëzit që i përkrah, që ua do të mirën, janë ata që në fund të japin goditjen më të madhe”, ka shkruar një fans në YouTube.
“Nga një presion i vazhdueshëm ndryshojmë dhe transformohemi pak nga pak çdo ditë në robotë, derisa humbin veten dhe në fund ngelet shëmbëllimi ynë robotik”, e koncepton një tjetër ndjekës i artistes.
Videoklipi mbyllet me thënien e shkrimtarit dhe gazetarit amerikan,Chuck Palahniuk, “Qëllimi ynë nuk është të jetojmë përgjithmonë, qëllimi ynë është të krijojmë diçka që do të jetojë përgjithmonë”.
