Tekniku spanjoll, Pep Guardiola, është nën presion të madh për sa i përket suksesit të Manchester City-t në Ligën e Kampioneve.
Guardiola beson se në rast dështimi në përballjen kundër Realit të Madridit për fazën e 1/16-ave në Ligën e Kampioneve, mund të shkarkohet nga drejtuesit e klubit.
Në një intervistë për “Football Daily”, Guardiola ka deklaruar:
“E di që është shumë e vështirë ta fitosh Champions-in. Unë ëndërroj ta fitoj atë me Manchester City. Shpresoj t’i shijoj ndeshjet kundër Real Madridit. Do të japim më të mirën për t’i mposhtur të bardhët. Sidoqoftë, unë e di që, nëse nuk do të kemi sukses, presidenti, ose drejtori sportiv mund të vijnë dhe të më thonë: je i shkarkuar! Do ta pranoja”.
