Ministri i Brendshëm, Sandër Lleshaj, ishte sot në interpelancë, e cila ishte kërkuar nga deputeti Lefter Maliqi.
Lleshaj foli për çështjet e rendit dhe sigurisë, madje informoi Kuvendin, por edhe qytetarët, mbi çmimin që shitet sot 1 kg kanabis.
“Fenomeni i kanabisit ka marrë goditje të pakthyeshme, dhe viti 2020 do jetë viti i thellimit të kësaj lufte për ta çrrënjosur këtë fenomen që e ka goditur vendin që në vitin `90. Sasia e kapur jashtë Shqipërisë se kanabisit eshte tregues për rritjen e luftës kundër kanabisit, çmimi i kanabisit ka rritur në nivele të panjohura në 30 vitet e fundit në 800 euro për kg, që nënkupton që furnizimi është reduktuar në mënyrë te jashtëzakonshme, gjë që ka cuar në rritjen e çmimit të kësaj lënde narkotike duke treguar efektivitet të punës së policisë”, tha Lleshaj.
