Luhet mbrëmjen e sotme supersfida mes Interit dhe Napolit, sfida e parë kjo e skuadrave e vlefshme për gjysmëfinalen e Kupës së Italisë.
Vetëm 3 ditë pas fitores dramatike kundër Milanit, teksa përmbysën disavantazhin e 2 golave për të fituar 4-2, kryesuesit e Serisë A do të kërkojnë të hedhin një hap të sigurt drejt finales së Kupës së Italisë.
Përballë do të kenë skuadrën më zhgënjyese për këtë sezon në kampionatin Italian, pasi Napoli e cila një vit më parë ishte ndjekësja e vetme Juventusit, tashmë renditen në vendin e 11-të në Seria A.
Një fitore në shtëpi për Interin do t’i jepte një avantazh të madh për ndeshjen e kthimit teksa përpiqen të sigurojnë finalen, atje ku mund të përballen kundër Juventusit, çka do të intensifikonte “luftën” mes skuadrave.
Ndeshja luhet në orën 20:45.
