Kryeministri i Kosovës, Albin Kurti, ka nisur vizitën e parë zyrtare në Tiranë, që nga momenti që mori zyrtarisht detyrën.
Kurti u prit në një ceremoni zyrtare në Pallatin e Brigadave nga Kryeministri Edi Rama dhe anëtarët e kabinetit qeveritar. Në ceremoni Rama kishte nxjerrë vetëm tre ministra, dy prej tyre me origjinë nga Kosova, Gent Cakaj dhe Besa Shahini. Ministrja e tretë ishte Elisa Spiropali.
Duket se Rama i ka dhënë mesazhet e para homologut nga Kosova.
Ajo që tërhoqi vëmendjen ishte sjellja e ministres së Arsimit, Besa Shahini, bashkëshorti i të cilës, dardan Molliqaj, dikur një bashkëpunëtor i Kurtit dhe sot i larguar nga rradhët e Vetëvendosjes.
Shahini u shfaq e ngrysur kur Kurti u shfaq para saj duke i dhënë dorën. Duket se Shahini nuk ka harruar përplasjet e bashkëshortit të saj me kreun e VV-së, që sot është Kryeministri i Kosovës.
E ndërsa Shahini ishte e vrenjtur, Gent Cakaj, ministri në detyrë i Punëve të Jashtme, “gëzonte” si fëmijë. Ai ishte i qeshur dhe nuk e fshehu për asnjë moment gëzimin.
