Pep Guardiola mund të jetë trajneri i ri i Juventusit sezonin e ardhshëm. Lajmin e ka konfirmuar sot e përditshmja britanike “Daily Mail”, që shprehet se trajneri spanjoll mund të zërë vendin e Maurizio Sarri nëse italiani dështon në arritjen e objektivave të sezonit aktual.
Tekniku italian nuk po bind në stolin e Juventusit dhe situata kohët e fundit nuk është shumë pozitive te skuadra e Juventusit. E njëjta situatë edhe te Manchester City, që po luan dobët në Premier League dhe trajneri Guardiola është vënë shpesh në shënjestër nga kritikët.
Pengesa më e madhe është paga e teknikut spanjoll i cili aktualisht paguhet 15 milionë stërlina në sezon te City. Trajneri spanjoll ka thënë se do të respektojë kontratën me “citizens”, por nëse situata nuk ndryshon në kampionat ai mund të largohet drejt Serisë A.
